Municipal, barangay officials, nagmula iti buri tree

SAN JUAN, Ilocos Sur – Kas paset ti programa ti gobierno munisipal a mangpaadu iti buri ditoy nga ili, nagmula dagiti municipal ken barangay officials iti daytoy a kayo idi Oktubre 5.

Mismo nga indauluan ni Mayor Ben Sarmiento dagiti municipal ken barangay officials a nagmula iti buri tree iti aglawlaw ti dumpsite sadiay Barangay Darao.

Nagmula dagiti partisipante a barangay iti saan a nakurkurang a sangapulo kapuon ti buri tree.

Segun iti mayor, kasapulan nga agmulada iti buri tapno adda madadaan a pagtaudan dagiti lagaen dagiti kalugaranna.

Ti bulong ti buri tree ti kangrunaan a pagtaudan dagiti lagaen dagiti residente ditoy nga ikamen, bag, ken dadduma pay nga alikamen.

Dagiti produkto manipud iti buri ti one-town-one product (OTOP) daytoy nga ili a mabirbirngasan pay a buri capital of the Philippines.

Sa la agsabong dagiti buri kalpasan ti 50 a tawenna nga isunto metten ti panagpatayna.#