CAOAYAN, Ilocos Sur – Maduprak tapno mapabaro ti daan a munisipio ditoy, segun iti municipal engineer.
Kinuna ni Engineer Padaong a marugian a mapatakder ti baro a munisipio inton Enero.
Naammuan nga addan pakauna a pondo a P15 milion para iti pannakabangon ti nasao a balay ti ili.
Mapattapatta nga agdagup iti P20 milion ti mabusbos iti mapatakder a tallo-kadsaaran a municipal hall.
Ti pannakapabaro ti balay ti ili ti maysa kadagiti inkari ni Mayor Germie Singson-Goulart a proyekto idi napalabas nga eleksion.#