Naabandonar a motorsiklo, narekobre ti akinkukua

CERVANTES, Ilocos Sur – Naitunton met laengen ti polis ti motorsiklo a nasarakan a naabandonar sadiay Sitio Namita, Barangay Malaya, ditoy nga ili idi agsapa ti Pebrero 27.

Idi Marso 10, maysa a Javory Bingo Saulo, 33, naasawaan, ken residente iti Barangay Castro, Sudipen, La Union ti napan iti police station ditoy ket imbagana nga isu ti akinkukua iti berde a Jumper, awanan plate number ngem addaan PNP sticker.

Mapapati nga inabandonar dagiti nagsakay iti nadakamat a motorsiklo gapu ta nabtak ti pilidna.

Inted dagiti polis ti lugan kalpasan a nakaipakita ni Saulo kadagiti dokumento a mangpaneknek nga isu ti akinkukua.#