Naaresto a lalaki, adda pay sabali a kaso

NARVACAN, Ilocos Sur – Malaksid ti kasona idiay Cagayan, adda pay sabali a kaso daytoy akusado iti regional trial court ditoy nga ili.

Naaresto ni Vincent Yabes y Olivas idi Septiembre 26 gapu iti panagikutna iti paltog ken balbala ket naisaklang iti opisina ti prosecutor ti Ballesteros idi Septiembre 27.

Ngem adda met standing warrant of arrest maikontra ken ni Yabes a pinirmaan ni Judge Policarpio P. Martinez ti Regional Trial Court, ditoy nga ili idi Hulio 18 daytoy a tawen maigapu iti robbery a nai-docket a CC No. 3322-N.

Naituding ti P12,000 a piansa ni Yabes para iti temporario a pannakawayawayana.#