Nabagbagsol a babai, awan pay ti natiliw a suspetsa

VIGAN CITY – Awan pay ti maitudo dagiti polis a suspetsa iti pannakapapatay ti maysa a negosiante ditoy itay nabiit.

Nasarakan ti daradara a bangkay ni Susan Quindipan, 49, awanan asawa, negosiante, residente iti Barangay Tamurong, Caoayan, Ilocos Sur iti puestona iti tiendaan publiko ditoy a siudad.

Suspetsaen dagiti kabagian ti biktima a maysa nga adik wenno saan a nasimbeng ti pampanunotna gapu iti nalabes a pannakabartek ti akingapuanan iti pammapatay gapu iti 27 a bagsol a sinagrap ti biktima.

Adu dagiti videoke bar a mapaliiw a nakalukat agingga iti pumarbangon iti asideg ti puesto ti biktima.#