Nabalitokan a kapanunotan, sagut dagiti bangolan (Maikapat a paset)

Nauman ti mayor iti biag ti politika. Nasaona daytoy a banag kadagiti annakna iti Amerika. Planonan ti agsardeng. Isu dayta ti inwaragawagna iti press cconference nga inangayna. Ngem saan a kanunongan ti asawana ti pangngeddengna. Uray ti anakna, ni Angelo Kuatro, saanna met a kanunongan ti panggep ti mayor. Ngamin damo pay laeng daytoy ti agtakem. Naraniag pay ti masakbayanna a kas iti amana.  Ngem natangken ti pangngeddeng ti mayor.

6) SIKA, MAYOR ANGELO ROMERO TERSIRO, MAUDI A POLITIKO, sarita ni Romano Anonuevo

SUMMARY

Nauman ti mayor iti biag ti politika. Nasaona daytoy a banag kadagiti annakna iti Amerika. Planonan ti agsardeng. Isu dayta ti inwaragawagna iti press cconference nga inangayna. Ngem saan a kanunongan ti asawana ti pangngeddengna. Uray ti anakna, ni Angelo Kuatro, saanna met a kanunongan ti panggep ti mayor. Ngamin damo pay laeng daytoy ti agtakem. Naraniag pay ti masakbayanna a kas iti amana.  Ngem natangken ti pangngeddeng ti mayor.

POINTS TO CONSIDER

1) namsek a  characterization
a) ti mayor – a di pulos nagbaliw ti pangngeddengna. Ta  no nagbaliw koma ti pangngeddengna iti udina, awan koman ti serbi daytoy a sarita. Ngem agsipud ta adda dayta a consistency, pinabilegna ti sarita. Ngamin iti paulo, maudi a politiko, kunana.
 b) ti mayora – maysa a kurap nga asawa. Kadagiti politiko, adda, no di man ket ad-adda, a ti asawa ti agar-aramid iti hukos pokus ken mangipapaay iti saan a nasayaat a ladawan ti napudno nga agserbi. Dagitoy ti mangit-ited iti batek iti kaingungotda. Iti historical theory of literary criticism, nakapappapati a banag daytoy.
c) anak – a nasilaw iti kinabileg. Gagangay daytoy kadagiti annak ti politiko.
2) Naurnos dagiti pasamak.
3) Natural ti lengguahe
4) Makapnek ti naggibusan ti sarita.
 
CONCLUSION

Kadagitoy a tiempo, manmano ti politiko a kas ken ni Mayor Angelo. Narugit unay ti politika iti pagilian. Naruay la unay ti  kunniber.

Nabaked ti pannakaisurat ti sarita: namsek a karakter, nasiken a pangngeddeng, naurnos a balikas ken binatog, makapikapik a panagsasagannad dagiti eksena.

NI TATA EMONG KEN TI NAKAIKARIANNA A LUBONG, sarita ni Perlas T. Daya

SUMMARY

Nagbagyo. Nadadael ti talon ni Tata Emong. Iti panagtakderna a mangbuybuya iti talonna, naluktan met ti pakasaritaan ti inda panagdappat. No kasano a napagbalin a talon dagitoy. No kasano a pinadakkel ken pinagadalna dagiti annakna.

Adu dagiti bagyo a limmabas iti biag ni Tata Emong sipud  nagdappatda ditoy a lugar. Ngem itoy a pannakadadael ti talonna, immisem, ket imbilangna a gagangay laengen daytoy kenkuana. Tarimaanenna manen.

POINTS TO CONSIDER

1) napintas  ti sarita a naisurat a kas memoir iti pakasaritaan ti kaamaan ni Tata Emong, sipud ken ni tatangna ken dagiti annakna.
2) napintas a historia ti panagdappat ti maysa a kaamaan
3) nagballigi ti author a nangaramat iti second person point of view.
4) Nakaur-urnos ti panagsasagannad dagiti pasamak.
5) Natural ti lengguahe ken naurnos dagiti balikas
6) Napintas a naggibusan

THEME

1) ti tema ti panagdappat ti kaamaan
2) ti tema ti pannakibakal iti biag
3) ti tema ti kinaama
4) ti tema ti anak
5) ken dadduma pay

4) RISIRIS

1) tao kontra iti bagina
2) tao kontra iti nakaparsuaan
3) tao kontra iti gimong

7) NO LUMNEK TI INIT, sarita ni Lom T. Nit

PAKABUKLAN:

Napintas ti sarita maipapan iti lakay nga  impan ti anakna ken manugangna iti home for the aged. Maysa a koronel ti lakay ken napigsa pay. Iti panagsakit ti lakay, ti anakna a lalaki ti agal-alan iti pension daytoy. Innala ti anak ti ATM card. Inruar pay ti anak dagiti kuarta ti lakay iti bangko.

Ngem nasiken ti lakay. Pudno a  soldado. Iti kaaddana iti home for the aged, saanna a kayat ti agpakita iti anakna no bisitaenda. Ketdi immutang iti padana a lakay iti kuarta tapno mapabarona ti ATM cardna. Saan a palubosan ti guardia ngem impamuspusanna. Napasukatanna ti cardna.

Rimmuar manen ti lakay iti panawen ti panangiruarna iti pensionna. Tinawaganna ti asawana ken dagiti annakna ket nagpulong iti kasasaadna.

Agawiden iti asawana tapno agdennada agingga ken patay sadiay probinsia.

POINTS TO CONSIDER:

1) saan laeng a  makapapikapik dagiti eksena no di kumbuar pay ti pungtot ken rurod iti anak ken asi iti lakay
2) nakaur-urnos ti panagsasagannad ti eksena.
3) umno ti lengguahe
4) namsek ti characterization ti lakay
5) napintas ti pannakailadawan dagiti eksena

 

8)  MAE, sarita ni Dimas Calle

Napintas ti sarita a nasurat a kas kronika (chronicle). Dramatiko ti parang tunggal panawen wenno petsa a nailanad. 

Maysa a labistori. Ti innaremda idi un-unana a panawen. Ti panagasawada agingga iti naaddaanda iti annak.

Naidumduma ti ayat ti tunggal maysa. Idi nagsakit ti lalaki, ti babai ti nangisakad iti panagbiagda. Immun-una a natay ti babai, banag a nagtinnag la ngarud nga irony ti sarita.

Naurnos dagiti eksena. Umisu met dagiti aldaw a naibaga, segun iti reperensia a kalendariok manipud idi 1776 agingga iti 2045.

Naidumduma a pakasaritaan ti ayat.

(Adda tuloyna)