Nabartek, natiliwan iti paltog

BANAYOYO, Ilocos Sur – No nakainumka iti nasanger, inka la maturogen tapno adayo kenka ti desgrasia.

Nabartek daytoy a mannalon ngem imbes a mapan maturog, nagprobokar ket ti makadakes, nakaarmas pay iti cal. 45 Colt Defender Series 90.

Iti inisial nga inbestigasion, nabartek ni Andres Gamboa Jr. y Gallardo, 29, naasawaan ken residente iti Barangay Casilagan Sur, ditoy nga ili, ket nagprobokar nga adda armasna a paltog iti baet nga inanawa ti amana a ni Andres, Sr.

Nagresponde dagiti polis ket kinumpiskada ti paltog nga ikut ni Gamboa sada kiniddaw nga ipakitana ti dokumento ti nasao a paltog.

Idi awan maipakita ni Gamboa, inaresto dagiti polis sada impman iti police station para iti dokumentasion ken umisu a disposision.#