Footer

Nabartek nga anak, binagsol ti amana

CANDON CITY – Simmangpet a nabartek ti anak ket mapapati a nagkariar iti balayda a puon ti panagringgorda nga agama a nagtungpal iti pannakabagsol ti anak.

Napasamak daytoy a pammagsol idi agarup 9:40 ti rabii ti Agosto 27 iti pagtaengan da Antonio Parelacio y Lazaro, 69, tricycle driver, ken Niño Parelacio y Antalan 39, baro.

Segun iti report, maturog koman ni Antonio ken ti baketna a ni Delfina idi simmangpet a nabartek ni Niño ket nagsubangda nga agama a puon ti panagdinnisnogda. Mapapati a nanggammat ti lakay iti imuko ket binagsolna ti anakna.

Intaray dagiti kaarrubada ti biktima iti St. Marin Hospital idinto nga inaresto dagiti nagresponde a polis ti lakay.#