Footer

Nabigbig, negosiante a naiwalang

TUBA, Benguet – Nabigbigen ti naiwalang a bangkay iti Camp 5 ditoy a ni Angelito Aguinaldo Ramos, 41, negosiante a taga-District 8, Cuyapo, Nueva Ecija.

Ni Florito Ramos, kabsat ti biktima, ti nangbigbig iti bangkay.

Naammuan ken ni Ramos a nagpakada ti biktima a mapanda makikasangay iti ama ti live-in partnerna sadiay Pangasinan.

Kinuna ni Ramos a saanen a nagawid ti kabsatna manipud idi nagpakada.

Mapapati a nabekkel ti biktima sa naipalladaw iti lugar a nakasarakanda kenkuana.#