SAN FERNANDO CITY – Aganay a walopulo a kilos a bulilit a nabungbongan ti kinumpiska dagiti polis iti tiendaan publiko ditoy siudad idi Abril 17.
Nainaganan ti naglako iti nadakamat a nabungbongan nga ikan ni Susan Garcia, 43, ken residente iti Barangay Lingsat ditoy siudad.
Iti panangamiris ti maysa nga empleado ti City Fisheries Office, napatalgedan a nabungbongan dagiti nasao a tagilako ni Garcia.
Kas dusana, napagmulta ni Garcia gapu iti panaglabsingna iti Section 21, Article 9 iti RA 8550 ken ti ordinansa ditoy siudad.
Naiwaras dagiti nakumpiska nga ikan iti pagbaludan ti siudad ken iti probinsia.#
