Nabutosan a barangay officials, nagsapata

CANDON CITY – Pormal a nagsapata dagiti kabarbaro nga opisial ti barangay ken SK a nabutosan idi Oktubre 25 iti seremonia a naangay iti Candon Civic Center idi Nobiembre 30.

Pinagsapata ida ni Congressman Eric Owen Singson idinto a timmabuno ditoy da  Gov. Deogracias Victor Savellano, Candon City Mayor Allen Singson ken dadduma pay nga agtuturay ditoy siudad.

Napadayawan pay iti daytoy nga aldaw ni Provincial DILG officer Victoria Ramos gapu iti napintas a serbisiona kas mangidaulo iti nasao nga ahensia ken dagiti tallo a kapitan ti barangay a nagturposen iti tallo a terminoda.#