VIGAN CITY – Naipasan iti pinal a pannakaibasana iti regular session ti konseho ditoy ti ordinansa a pannakadesignar ti entry point  ti meat, poultry ken marine products tapno naur-urnos ti pannakaiyuneg dagitoy a tagilako a maideliber iti merkado publiko ditoy.

Naidesignar nga area a pakaiserrekan dagiti karne ken lames ti  service road iti umuna a kadsaaran a nagbaetan ti first ken second modules ti tiendaan.

Maibasar iti ordinansa a pinutar ni Konsehal Henry Formoso, siasino man a di agtungpal iti ordinansa ket mamulta kadagiti sumaganad: umuna a panaglabsing – P500, maikadua, P1,000 ken maikatlo, P1,500 ken suspension ti business permit.#