Nadumaduma raman ti ice cream, naitandudo

SAN ILDEFONSO, Ilocos Sur – Nadumaduma a flavor ti ice cream ti imparaman dagiti agtuturay ditoy iti pannakarambak ti Alisto San Ildefonso itay nabiit.

Kinuna ni Mayor Christian Purisima a nadumaduma a flavor ti ice cream ti itandudoda iti panagpiesta ti ilida a naggapu iti mula a marunggay, ampalaya, langka, bawang, manggang hilaw, taban, pinipig ken dadduma pay.

Kinunana a piso manipud iti tunggal paglakuan kadagiti nasao a produkto ti mapan iti school feeding program ti gobierno munisipal.

Ti pay basi ti iprompromot ti mayor a kas OTOP daytoy nga ili. #