Nagab-abak nga athletes, maikkan iti scholarship grant

VIGAN CITY – Agbalin nga iskolar dagiti atleta a nangipaay iti pammadayaw iti probinsia babaen ti panangabakda kadagiti kumpetision iti sports.

Daytoy ti kangrunaan a bugas ti resolusion ni Vice Governor Deogracias Victor Savellano tapno maikkan iti insentibo dagiti agtutubo a nangitag-ay iti probinsia iti sports babaen ti panangiyawidda kadagiti medalia ken panangabakda kadagiti sports events a nakisalipanda.

Sagudayen daytoy ti pannakaited ti scholarship study grants ken insentibo kadagiti agtutubo a nag-excel iti sports ken nangab-abak iti medalia kadagiti kumpetision iti sports.

Naipaima ti resolusion iti committee on education nga idadauluan ni Bokal Ishmael Baterina ket inlungalong daytoy ti pannakaaprobarna iti session ti sangguniang panlalawigan.

Inaprobaran met a dagus ti SP ti nasao a gakat.#