Salaysay: Nagganas ti agbalin a senador, sika! (Umuna a paset) | Tawid News Magazine - Weekly Ilocos News 📰

Nagganas ti agbalin a senador, sika! (Umuna a paset)

NAGGANAS ti agbalin a senador, sika! Awan  kuentana dayta minilion a nagastosna idi eleksion ta sobra pay ti kitaenna, amangan no di laeng sangapulo a maminsangapulo ti kaaduna, no nakatugawen.

Sueldo? Hmp, mano met laengen aya dayta sueldona? Ph35,000.00 laeng iti makabulan. Kurang pay a paggasolina iti sangapulo a lugan. Dakdakkel pay ti sueldo dagiti boss iti GSIS, SSS, NAPOCOR, Transco, NPC ken dadduma pay a government- owned ken government- controlled corporation ta agsusueldoda iti nasurok a sangagasut a ribu iti binulan.

Agsueldo ti senador  iti P420,000.00 iti makatawen, wenno P1.26M iti  panagtakemna iti tallo a tawen. Ad-adu nga amang ti nagastosna idi nagkampania. Ngem apay nga adu ti mayat nga agsenador no bassit gayam ti sueldoda?

Dayta iti yan ti imasna, kapid! Dakkel ti masikbabna. Ingangam laeng dayta ngiwatna ket sumreken a kas iti imbudo. Yes, imbudo! Pasig a sumrek, awan ti ruar.

Kastoy man ne, ti pannakadasig dagiti kinarakaran ti senador malaksid iti sueldona:  iti opisinana, adda tinawen a budgetna a P500,000. 00 iti maintenance ken operating expenses (i.e. rental, utilities, supplies ken domestic travel). Adda pay P 500,000. 00 a budget para iti empleadona ken personal a kasapulanna.

“Aginuttayo tapno matulongantayo ti gobierno,” kunananto met. Naglaing nga agdrama, kapid! Ngem ti kinaagpaysona, ania, iti panaginutna (kuno), ad-adu ti maibulsana. Isu a basbassit pay ti alaenna nga empledona. Ngem iti payroll, sal-it a kasal-itan iti amin a sinal-it, nagadu metten ti nakalista a nagan! Ahu, naglaka met laeng ti agikabil kadagiti ghost employees, kapid!

Sabali pay ti PP760.000.00 allowance iti binulan a para met iti foreign travel. Isu a maisurot amin a kamag-anak parties agraman dagiti yaya and company. Ti narigat kadaytoy a foreign travel allowance ket saan a nasken nga i-liquidate no di ket mabalin lattan  nga iparang iti Commission on Audit ti certification ti nangigastosan. Kasta laeng, kapid,  easy as in easy money!

Adda met budget para kadagiti mapili a chairman kadagiti nadumaduma a komite. Umawat amin a chairman  iti nasurok a maysa a million a budget. Tapno awan ti riri wenno malugi a senador, agbalinda amin a chairman!

(Maigibusto)