Naghold-ap iti gasolinaan, nabigbig

STO. DOMINGO, Ilocos Sur – Nabigbig dagiti naghold-ap iti maysa a gasolinaan ditoy nga ili babaen dagiti retratoda a nakapila iti police station.

Nailasin da Marissa Ballaso y Renturar ken Christian Merry Rose Tabutol y Pulido, agpada a pump attendant iti Phoenix Gas Station a kukua ni Mitchelle Tacud Desierto, 31,  ken residente iti Brgy. Camestizoan, dagiti suspek a da Maynard Viloria ken Jeneffer Viloria, agpada a residente iti Barangay Dacutan, Magsingal.

Nabigbig dagiti pump attendant dagiti suspek babaen ti retrato nga imparang dagiti polis kadakuada.

Maipalagip a hinold-ap ti dua a lalaki a naglugan iti motorsiklo ti gasolinaan idi rabii ti Nobiembre 20.

Naiyendorson ti kaso a robbery-hold-up kontra kadagiti suspek iti opisina ti provincial prosecutor, Vigan City.#