Nagmula iti marihuana, nakasuan

SAN JUAN, Ilocos Sur – Nakasuan ti maysa a baro gapu iti panagtarakenna iti maiparparit a mula iti ikub ti balayda iti barangayda a Resurreccion ditoy nga ili.

Nakasuan iti prosecutor’s office iti Vigan City ni Roderick Guzman y Aspili, 23, baro, residente iti nadakamat a barangay,  iti panagsalungasing iti RA 9165.

Maysa nga umili ti timmawag iti polis iti kaadda dagiti matartaraken a mula ti marihuana iti lakub ni Guzman ket idi napanda nagpalutpot, naduktalanda dagiti maiparparit a mula a naipaso.

Agpateg dagiti mula a marihuana iti P1,000.#