Nagpaputok a mannalon, nakasuan

SINAIT, Ilocos Sur – Naipatuloden iti opisina ti provincial prosecutor, Vigan City ti rekord ti kaso nga alarm and scandal ken panaglabsing iti RA 10591 maikontra iti maysa a mannalon gapu iti panagpaputokna iti paltog.

Maipalagip nga inaresto dagiti barangay officials ni Michael Macugay y Yagin, 29, naasawaan, mannalon ken residente iti Barangay Sta. Cruz, ditoy nga ili gapu iti panagpaputokna idi rabii ti Mayo 30.

Nakumpiska iti ikut ni Macugay ti maysa a cal. 45 pistol a nagmarka iti Colt MK IV ken addaan serial number 396214.

Nai-docket ti kaso iti babaen ti Criminal Case No. 3243-K.#