Nagpaputok bayat ti piesta tiniliw dagiti polis

CANDON CITY – Tiniliw dagiti polis ditoy ti maysa a lalaki gapu iti panagpaputokna bayat ti panagpiesta ti Barangay Patpata 1st ditoy nga ili idi rabii ti Mayo 13.

Idi agarup 2:00 ti parbangon ti Mayo 13, nagreport ni Victorino Gacutan, barangay tanod ti Patpata 1st, iti polis a nakangegda iti putok ket iti insayangkatda a panagimbestiga, naberipikada a ni Jessie Galano y Ragudo, 42, naasawaan, ken residente  ti nadakamat a barangay, ti nagpaputok.

Nagresponde dagiti polis ket idi inasitganda ni Galano, boluntario nga insuko daytoy ti Gauge 12 homemade buck shot ngem agsipud ta awan ti maipakitana a dokumento nga agikut iti nasao a paltog,  inarestoda ti suspek sada impan iti police station para iti dokumentasion ken disposision.#