Footer

Nagpaputok iti paltog, naaresto

SINAIT, Ilocos Sur – Inaresto dagiti polis ditoy nga ili ti maysa a trabahador gapu iti kasona a panagpaputok iti paltog iti pagtaenganna sadiay Barangay Pug-os ditoy nga ili idi Agosto 8.

Imet dagiti polis ti warrant of arrest nga inyisio ni Judge Homer Jay Ragonjan ti MTC, Cabugao, Ilocos Sur idi napanda inaresto ni Kurt Arthur y Sinco, 24, awanan asawa. Nakalista ni Arthur a No. 5 most wanted person (municipal level) iti daytoy nga ili.

Akusado iti illegal discharge of firearm a naipababaen iti Criminal Case No. 4413, nairekomenda nga agpiansa ni Arthur iti P10,000.00.

Nakakustodia ni Arthur iti police station para iti dokumentasion sakbay a maipaima iti korte.#