Nagpaputok iti paltog, nakasuan

SAN JUAN, Ilocos Sur – Saanen a makauray pay ti maysa a residente ditoy nga ili iti idadateng ti Paskua wenno Baro a Tawen ket nagpaputoken iti paltogna. Resulta: tiniliw dagiti pannakabagi ti linteg ket napilaan iti kaso nga indiscriminate firing iti Provincial Prosecutor’s Office, Vigan City.

Ngem posible a saan a naamiris ni Fredelito Racadio y Torda, 40, naasawaan, ti posible a pannakaalarma dagiti kalugaranna iti Barangay Sabangan ken ti pannakaireportna iti polis gapu iti nagsasaruno a panagpaputokna gapu ta adda iti inpluensa ti arak.

Dagus a dagiti barangay tanod ken opisial ti barangay a pakaibilangan da Kagawad Benecio Salvador y Gorospe, Tanod Elpidio Gorospe y Ramos, Salvador Valle y Panaong, ken Bernardino Salvador y Gorospe idi nakangegda iti nagsasaruno a kanalbuong ti paltog,

Idi makadanonda iti naggapuan ti putok, nakitada ni Racadio a nakaiggem pay la iti paltogna.

Idi nasungadan ida ni Racadio, mapapati nga impalladawna ti paltogna ngem nasiputan dagiti tanod ket narekobreda ti igam.

Tinengngel dagiti tanod ni Racadio sada impaima kadagiti nagresponde a polis nga indauluan ni COP Police Inspector Edgardo T. Medrano a tinawagan ni Barangay Captain Rosendo Faraon babaen ti selpon iti PNP hotline.#