Nagpaputok iti paltog, tiniliw dagiti polis

BANTAY, Ilocos Sur – Pagbaludan ti nagtungpalan ti maysa a lalaki gapu iti panagpaputokna iti paltog iti barangayda idi Septiembre 27.

Napilaanen ni Juan Bermudez y Madriaga, 57, nasawaan, residente ti Barangay Taguiporo ditoy nga ili iti kaso nga illegal possession of firearm.

Inreport ni Barangay Captain Flor Pacleb iti polis ni Bermudez a nagpaputok iti paltog idi 8:30 iti rabii ti Septiembre 27 ket nagresponde dagitoy sada tiniliw ti suspek.

Kinumpiska pay dagiti polis ti home made buchshot nga inusar ti suspek.#