Footer

Nagprobokar a lalaki, nakasuan

BANTAY, Ilocos Sur – Makasuan ti maysa a lalaki gapu iti panagikutna iti armas ken panagprobokarna iti kaarrubana.

Tiniliw dagiti polis ni Joselito Padre, 42, naasawaan agsipud iti panagreklamo ni Eddie Castillo a simrek ti suspetsa iti uneg ti inaladanna sana prinobokar.

Nagresponde ni SPO1 Eric Javier ket kinumpiskana ti armas ti suspetsa homemade buckshot. Impaima ni Javier ti suspetsa agraman ti paltogna iti police station.

Iti pannakaisurat daytoy, maisagsagana ti kaso maikontra ken ni Padre.#