BANTAY, Ilocos Sur – Gapu iti bartekna, nagprobokar daytoy a trabahador, ket binagsol la ket ngarud ti nalukag ti turogna a kalugaranna.
Segun iti report, simmangpet a nabartek ni Rodel Florido y Martinez, 32, baro, laborer, ken residente iti Barangay Capangdanan, ditoy nga ili, ket nagkariar a nakagapu iti pannakalukag ti suspek ken dagiti kabbalayna.
Kinumprontar ni Conrado Constantino, Sr. y dela Cruz, 59, siuman, laborer, ken agnaed met laeng iti nadakamat a barangay ket nagbinnarada.
Mapapati a nanguksot ti suspek iti patadem ket binagsolna ti biktima a nakatamaan ti akimbaba a paset ti tengngedna.
Naitaray ti biktima iti ospital idinto a naglibas ti suspek. Iti pannakaisurat daytoy, agtultuloy ti inbestigasion dagiti polis.#