Footer

Nagsakit iti dengue, umad-adu

CABUGAO, Ilocos Sur – Umad-adu latta ti agsakit iti dengue ditoy nga ili ket nagtignay ti municipal health office tapno saan nga agraira daytoy a sakit.

Nagpasiar dagiti staff ti municipal health office tapno maipasagepsep ti dengue awareness kadagiti residente ditoy kas iti panagipattog kadagiti amin a pakaurnongan ti danum tapno saan a pagbalayan ken pagitlogan dagiti lamok ken ti panagdaldalusda iti arubayan ken pagtaengan.

Nasuroken nga 40 ti kaso ti dengue ditoy nga ili a kaadduanna ti naireport idi pay Agosto.#