Nagtabla iti kinakapitan, nagbinnunot

STA. LUCIA, Ilocos Sur -Nagtabla iti butos dagiti nagsango para kapitan iti barangay Pila East ken Burgos ditoy nga ili.

Iti Pila East, agpada a 131 ti nabutos da Freddie Boy Tan ken ni Angela Lorica, kandidato para kapitan.

Iti Burgos, nagtabla met ti butos da Roland Budanio ken Ronald Manzano, kandidato para barangay captain.

Da Lorica ken Budanio dagiti napagasatan iti draw lots nga inimatangan da Mayor Ferdinand Hernaes, Vice Mayor Iya Hernaez ken dagiti dadduma pay nga opisial ti ili.

Iti draw lots, ti kandidato nga umuna a nakabunot iti naganna iti mamitlo  ti naideklara a nangabak.

Sakbayna, nagpirma dagiti kandidato iti katulagan a respetarenda ti resulta ti draw lots ken suportaranda ti mapagasatan.#