Footer

Nagtagiarmas a kustomer, naaresto iti bar

TAGUDIN, Ilocos Sur – Awan ti sanitary ken business permit daytoy a videoke bar a masarakan iti igid ti kalsada iti sakup ti Barangay Cabaroan ditoy nga ili. Ti makadakes, makastrek a mapan uminom ditoy uray ti armado a tao.

Bayat ti panaginspeksion ti polis-Tagudin ken ti sanitary inspector kas paset ti Oplan Bakal/Sira iti videoke bar ni Ryan Villalobos, nasukalanda ti maysa a kustomer a nagtagiikut iti maysa nga snub nose paltik revolver cal. 33 nga addaan dua a bala, 2 a bala para iti cal. 22 magnum ken kapsula ti cal. 33 iti cylinder daytoy; maysa a balisong nga agatiddog iti 8-9 pulgada karaman ti pagiggaman ken maysa a narolio a papel nga adda naggianna a masuspetsa a nagango a bulong ti marihuana.

Nasukalan pay nga awan ti business ken sanitary permit ti nasao a videoke bar.

Inaresto dagiti polis ni Garabiles sada kinasuan iti panaglabsing iti RA 10591, RA 9165 ken BP No. 6.

Iti kaudian a report, naipaiman ni Garabiles iti Bureau of Jail Management and Penology, Tagudin, Ilocos Sur babaen ti commitment order nga inyisio ni Judge Mario Anacleto Bañez Regional Trial Court, 1st Judicial Region, Branch 25, Tagudin, Ilocos Sur.#