Nagtagipaltog a lola ken lola, nakasuan

MAGSINGAL, Ilocos Sur – Napilaan iti kaso a panaglabsing iti PD 1866 dagiti aglib-in a lolo ken lola gapu iti panagikutda iti armas.

Napilaan iti kaso nga illegal possession of firearms and ammunitions da Melchor Tolentino Lucero, 81, ken Purita Rosario Concordia, 75, agpada a residente iti Barangay Bacar ditoy nga ili gapu iti pannakakumpiska iti ikutda ti maysa a cal. 22 rifle nga addaan iti magasin a nagkarga iti walo a bala ken maysa a cal. 45 pistol a nagkarga ti magasinna iti pito a bala.

Nasukalan dagiti dua nga adda ikutda a paltog bayat ti hot pursuit operation nga insayangkat dagiti polis iti maysa a suspek iti pammaltog a mapapati a naglemmeng iti balay dagiti dua.

Mapapati a bayat ti panangbirbirok dagiti polis iti suspek, nakitada nga adda agtamtammukol iti siket ni Lucero ken ti baket a mangibitbitin iti cal. 22 rifle.#