Nagtagipilid a pagtugawan nanayonan iti Plaza Salcedo

VIGAN CITY – Immadu dagiti naipasdek a nagtagipilid a pagtugawan iti Plaza Salcedo ditoy a siudad.

Naggapu dagiti pilid a nagpaay a dekorasion ti dakkel a Christmas tree a naipatakder iti sanguanan ti provincial capitol kas panangrambak iti panawen ti Paskua.

Initiatibo ni Provincial Administrator Vicky Cu ti pannakaipasdek dagiti nagtagipilid a pagtugawan a mainayon iti nasao a plasa tapno ad-adu ti pagtugawan dagiti agpallailang ditoy.#