Nagtakaw iti barut ti koriente, naidarum

SAN JUAN, Ilocos Sur – Naipilan ti darum maikontra iti maysa a katulongan a baro kalpasan a natiliw iti ikutna dagiti baro ken piesa ti motor a mapapati a tinakawan.

Napilaan iti qualified theft ni Dan Luis Ventura, 22, baro, tubo ti Bantay, Ilocos Sur ngem stay-in helper iti maysa a kapitan ti barangay iti Barangay Refaro ditoy nga ili iti provincial prosecutors’ office iti Vigan City.

Tiniliw dagiti barangay tanod ni Ventura idi masalawda daytoy iti 1:30 iti parbangon bayat ti panagpatroliada a nagbitbit iti nakawikaw a barot ti koriente ken sako a naglaon kadagiti piesa ti motor a mapapati a mapanna ilako iti junkshop iti Immayos Norte ditoy nga ili.#