Nagtakaw iti flashlight, pinakawan ti tinakawanna

STA. CATALINA, Ilocos Sur – Nagasat daytoy a baro ta sineknan iti asi ti tinakawanna ket saanen nga agdarum pay.

Nangipila ni Cresencio Calsada y Upano, 64, naasawaan, residente iti Barangay Cabaroan, Sta. Catalina, Ilocos Sur, iti apidabit a saanen nga interesado pay a mangidarum ken ni Angelito Samonte y Ridor, 24, residente iti Barangay Sinabaan, Sta. Catalina, Ilocos Sur.

Maipalagip nga idi agarup 11:00 ti aldaw ti Nobiembre 18, napan gimmatang ni Samonte iti maysa nga stick ti sigarilio iti tienda ni Calsada ngem idi pumanawen, linibasna nga insakibot ti maysa a flashlight iti tisirtna.

Ngem nasiputan ni Calsada ket ginammatanna ti baro sana impaima kadagiti polis nga agpatpatrolia ket impanda ti suspek iti police station.#