Nagtakaw iti K Servico, nakasuan

CANDON CITY – Napilaanen iti kaso dagiti dua a maatap a nagtakaw iti K Servico a masarakan iti national highway a sakup ti Barangay San Agustin, ditoy siudad idi agsapa ti Enero 2 daytoy a tawen.

Nainaganan dagiti nagtakaw a da Teddy Castro, residente iti Barangay Tumbaga, Quirino, Ilocos Sur, ken Alejandro Diglao, residente iti Barangay Matuey, Gregorio Del Pilar, Ilocos Sur.

Maipalagip a tinakawan dagiti akusado ti K Servico ket kinurimesda ti sumagmamano a laptop, netbooks, selpon ken digicam.

Naiyendorson iti Opisina ti City Prosecutor, ditoy siudad ti kaso a robbery maikontra kada Castro ken Diglao.#