Nagtakaw iti manok, naaresto

CABUGAO, Ilocos Sur – Naikstodia iti polis dagiti dua a nagtakaw iti tatadien a manok ti maysa a kagawad sadiay Barangay Bungro ditoy nga ili idi sardam ti Agosto 9, 2014.

Nainaganan dagiti suspek a da Severino Quibilan y Arcebal, 30, ken Reymark Segui y Arcebal, 21, agpada a baro ken residente iti Brgy. Baclig, Cabugao, Ilocos Sur.

Nasalamaan ni Barangay Chief Tanod Crisente Cachapero y Sumagit, 31, naasawaan, dagiti suspek nga adda iggemda a manok idi napanna bisitaen ti talon ni Chief Tanod Eddie Racho.

Pinadas dagiti suspek ti naglibas ngem tiniliw ida ti barangay tanod.

Iti pannakapalutpot ti suspek, naammuan a kukua ni Barangay Kagawad Crisente Cachapero y Sumagit, 31, ti natakaw a manok.

Naipan ti suspek agraman ti luganna a Euro 150 tricycle iti police station para iti inbestigasion ken umisu a disposision.#