Nagtakaw iti manok, nakasuan

BANTAY, Ilocos Sur – Napilaan iti kaso ti maysa a taga-Abra gapu iti panagtakawna iti tatadien a manok idi Abril 30.

Napilaan iti theft ni Eric Lidio Ballena, taga-Poblacion, Tayum, Abra, gapu iti panagtakawna iti para tadi a manok ni Mark Anthony Gaviola a nakabaud iti paraangan ti balayda sadiay Barangay Buquig, ditoy nga ili.

Agbalor iti P5,000.00 ti natakaw a tatadien a manok ni Gaviola.

Iti  San Vicente, Ilocos Sur ti nakaarestaran ni Ballena.

Nai-docket ti kaso a naipila iti Municipal Trial Court ti Bantay iti babaen ti Criminal Case No. 3689.

Iti pannakaisurat daytoy, naikomiten ni Ballena iti BJMP, Bantay.#