Footer

Nagtakaw iti pagadalan, napakawan

SAN ESTEBAN, Ilocos Sur – Nagasat daytoy a mannanakaw ta idinto a madusa kalpasan a natiliwan a nagtakaw, pinakawan dagiti tinakawanna.

Natiliw da Ansad Barangay Kagawad Roger Apolonio, Gerly Castro, ken Danny Alcantara idi Agosto 6 ni Bernard Ganado, 18, residente iti Barangay Tablac, Candon City iti uneg ti maysa a kuarto iti Ansad Elementary School. Nakastrek ti suspek iti kuarto babaen ti panangdadaelna ti padlock ti ridaw.

Inannugot pay ni Ganado nga isu ti nagtakaw iti nasao met laeng a pagadalan idi Hulio 4.

Impaima dagiti kagawad ti suspek iti polis ngem naruk-atan met laeng daytoy kalpasan a pinakawan dagiti mangisursuro.#