Footer

Nagtakaw iti traysikel, kinemmeg dagiti residente

CANDON CITY – Maysa a lalaki a nangitaray iti traysikel ti naipiskot dagiti residente ken inaresto dagiti polis iti Barangay Langlangca 2nd ditoy siudad iti bigat ti Agosto 14 .

Segun iti report, imparking ni Cesar Escalona Echalar, 53, naasawaan ken residente ti Barangay Dan-ar, Santiago, Ilocos Sur, ti traysikelna iti sanguanan ti Toby’s Store iti Barangay San Juan, Candon City tapno mapan agideliber iti tinapay ngem linuganan ni Alvin Peralta y Domingo, 18, baro, residente iti Dayanki, Burgos, Ilocos Sur  sa nagpakaskas nga agpaamianan.

Naglugan iti traysikel dagiti residente ken ti biktima ket kinamatda ti suspek agingga iti naawanan ti gasolina ti traysikel sada tiniliw agingga a simmangpet dagiti polis.#