Nagtaraken iti kapuon marihuana, nakasuan

MAGSINGAL, Ilocos Sur – Nagtaraken daytoy mangngalap iti sangkapuon a marihuana a kunana a pagagasna iti sakitna ngem maiparparit a mula daytoy gapuna a nakasuan iti panaglabsing itiĀ  RA 9165 a posible a pakaibaludanna.

Idi agarup 11:00 ti bigat ti Marso 3, inaresto dagiti polis ni Reynante Dayag y Resuello, 45, naasawaan, mangngalap ken residente iti Barangay Pagsanaan Norte ditoy nga ili kalpasan a nasukalan nga agtartaraken iti maysa puon a marihuana iti asideg ti balayna.

Pinarut dagiti polis ti mula a marihuana ngaĀ  agtayag iti 3 kadapan ken 10 pulgada iti imatang dagiti barangay officials.

Kinuna ni Dayag nga us-usarenna ti marihuana a pagagasna ngem impan latta dagiti polis iti police stationĀ  para iti umisu a disposision.#