Nagtrabaho iti cash for work, nagsueldodan

SAN JUAN, Ilocos Sur – Malaksid ti dua a barangay, nagsueldon dagiti nagtrabaho iti babaen ti cash for work kadagiti sabali pay a barangay ditoy nga ili.

Naammuan a ti makagapu iti saan pay a panagsueldo dagiti trabahador iti babaen daytoy a programa ti saan pay a pannakalpas ti proyekto nga ar-aramidenda.

Nupay kasta, impatalged ni Municipal Social Welfare and Development Officer Criselda Navarro a maala dagiti trabahador ti sueldoda apaman a mairingpis ti proyekto iti barangayda.

Iti babaen ti cash for work a programa ti DSWD, agdagup iti 444 dagiti marigrigat a bumarangay ditoy ti nagtrabaho iti proyekto ti barangayda iti 11 nga aldaw nga agsueldo iti P280 kada aldaw.#