Nagubor a lalaki, natiliw

VIGAN CITY – Nagpullo met laengen ti agub-ubor iti kabalbalayan iti St. Joseph Village, Barangay IV ditoy siudad ket posible a makasuan gapu iti inaramidna.

Nasalamaan ni Barangay Kagawad Mario Agtutubo ni Jose Galace, 28, baro, residente iti Barangay IV ditoy a nangubor iti pagtaengan ni Rowena Anicoche ngem iti panagpapatangda iti sanguanan ni Barangay Captain Desiderio Pascua ken PO3 Joseph Rivad,  nagbalin nga arogante ti suspetsa ket mapapati a dinarup ken dinanogna pay ti polis.

Inaresto ti nagresponde nga alert team ni Galace ket impanda iti police station.

Segun dagiti bumalay dagiti naubor a pagtaengan, mangipilada iti kaso maikontra iti suspetsa.#