Footer

Naikali a fetus, naduktalan

BANTAY, Ilocos Sur – Maysa a fetus ti nasarakan a nagaburan iti likud ti barangay hall ti Barangay Capangdanan ditoy nga ili idi napan a lawas.

Segun iti report, maysa a Rey Arconado y Pugal, residente iti nasao a barangay ti nakasukal iti nagaboran a fetus a napandagan iti dakkel a bato gapu iti nabuyok nga alingasawna.

Idi kinali dagiti nagresponde a barangay captain ken tanod ti paggapuan ti angot, nakitada ti uppat a plastic bag a pakairamanan ti agruprupsan a fetus a mapattapatta nga uppat wenno lima bulanna a sikog.

Inkabil dagiti barangay officials ti fetus iti kahon sada sinerraan iti plastic ken impan iti St. Agustin church para iti maikanatad a pannakabendisionna.

Iti pannakaisurat daytoy, madama ti panagimbestiga dagiti otoridad no asino ti nangikali iti fetus.#