Nainaguraran, hospital annex

VIGAN CITY – Nainaguraran itay Marso 8 ti maysa a pasdek nga agbalin nga annex ti Central Ilocos Sur District Hospital ditoy nga ili.

Kinuna ni Vice Gov. Jeremias “Jerry” Singson a nagtaud ti pondo iti pannakaipatakder ti nasao a pasdek manipud iti Worldwide Narvaceños manipud iti ballasiw-taaw.

Kabigatanna, maysa a medical, dental ken minor surgical mission ti naisayangkat a nakaitedan pay iti libre a konsultasion ken ag-agas kadagiti marigrigat a residente ditoy nga ili.