Naing-inget a PIPS maiwayat: PNP regional director

SAN FERNANDO CITY – Iti sanguanan ti panagpangato ti krimen ken panagtakaw iti motor iti probinsia ti Ilocos Sur, imbilin ti PNP regional director iti provincial director ti panangipatungpal dagiti polis kadagiti istratehia a panglapped kadagitoy.

Binilin niĀ  PNP Regional Director Police Chief Superintendent Franklin Bucayu ni Ilocos Sur Provincial Director Senior Supt. Noel Amuyen a masapul nga ipatungpal dagiti polis iti babaenna ti inaldaw a deployment ti Police Integrated Patrol System (PIPS) ken dadduma nga istratehia a panglapped ti krimen.

Segun ken ni Bucayu, imbilinna daytoy tapnoĀ Ā  maremediaran ti ngumatngato a bilang dagiti insidente ti panagtakaw ken pammapatay iti probinsia.

Kinuna ti regional director a dakkel ti nagpangatuan ti kaso ti panagtakaw ti motor ken pammapatay babaen kadagiti motorcycle riding in tandem.

Kas panagtungpal iti pammilin ni Bucayu, nangipaulog ni Amuyen iti memorandum kadagiti amin a hepe ti polis iti probinsia ti panangiwayatda iti naing-inget a police visibility ken panangipasdekda iti checkpoint iti sapasap a probinsia.

Imbilin pay ti provincial director a a masapulĀ  a susteneren ti tunggal police station ti kampania a PIPS ket agsungbat dagiti chief of police no adda pagliwayan dagiti adda iti babaenda.

Sakbay daytoy, binilin ni Gov. Luis ā€œChavitā€ Singson ti kapulisan ti Ilocos Sur ti panangipamaysada a mangpugipog kadagiti agisayangsayangkat iti krimen iti probinsia, partikular dagiti riding in tandem.

Kinuna ti gobernador a kapaliiwanna a nalaka unayen ti mangisayangkat iti pammapatay, a no adda kagura ti maysa a tao ket dagus metten a manangdan kadagiti agpatpatay a riding in tandem.

Iti bulan ti Hunio, adda naireport a pito nga insidente ti pammaltog a nakatayan ti sumagmamano kadagiti biktima idinto a kaaduan kaditoy tiĀ  mapapati nga insayangkat dagiti riding in tandem.

Iti sabali a bangir, iti daytoy met laeng a bulan, adda naireport nga innem nga insidente ti panagtakaw iti motorsiklo.

Sumagmamano kadagitoy ti natakaw iti mismo a sanguanan ti simbaan ken iti asideg ti tiendaan publiko. #