VIGAN CITY – Natiliw ti maysa a dati a trabahador iti maysa a hardware store ditoy siudad kalpasan ti panangkurimesna iti kuarta a naikabil iti lamisaan iti uneg ti nasao a pagtagilakuan.
Tiniliw dagiti trabahador ti New Born Hardware ni Pedro Respicio, 20, baro, residente iti Bayubay Norte, San Vicente, Ilocos Sur bayat ti panaglibas daytoy kalpasan ti mapapati a panagtakawna.
Naduktalan ni Anna Marie Chan ti panagtakaw idi makitana a naporsar a nalukatan ti drawer ti lamisaanna idi agrikepda koman iti alas 5 iti malem iti Hunio 27.
Kinamat dagiti trabahador ni Respicio idi nasiputanda a rimmuar iti showroom ket impanda iti kuerpo ti polis ditoy.
Iti panagkapkap dagiti polis, nakaalada kadagiti bulsa ti suspetsa iti tallo bungkos a kuarta nga agdagup iti P10,600.
Naammuan a dati a trabahador iti nasao a pagtagilakuan ni Respicio.
Iti pannakaisurat daytoy, nakapupok pay laeng ti biktima.#
