Naipulong, lalaki a nagpaturong paltog

VIGAN CITY – Naipulong iti polis ti maysa a lalaki a nabartek a mapapati a nagpaturong iti paltog iti maysa a pamilia iti Barangay Rugsuanan ditoy a siudad.

Inaresto dagiti polis ni Roderick Andallo, residente iti Purok a Dakkel kalpasan nga impulong ni Editha Corpuz y Piano, 48, naasawaan, a mapapati a pinaturongan ni Andallo iti paltog.

Mapapati nga iti rabii ti Mayo 24, napan binirok ti suspetsa ti asawa ni Corpuz  ket idi saan a mapnek iti sungbat ti babai, pinaturonganna ida iti paltog.

Mapapati a pinaturongan pay ni Andallo ni Edgar Palos idi aganawa daytoy.

Kuna ni Corpuz nga idarumda ni Andallo.#