Naipuslit a British national, naaresto

CURRIMAO, Ilocos Norte – Maysa a British national ti inaresto dagiti polis gapu iti mapapati nga illegal nga iseserrekna iti daytoy nga ili itay nabiit.

Tiniliw dagiti otoridad ni Fraizer Robert Neill, 43, maysa a British national, gapu iti mapapati a pannakaipuslitna ditoy nga ili babaen ti maysa a yate.

Pinadas ti coast guard a kamaten ti yate ngem saanda a nakamatan.

Di pay ammo no asino ti akinkukua iti nasao a yate.

Segun iti report, maideportar ti nasao a ganggannaet iti naggapuanna a pagilian.#