Naireklamo a benepisario ti 4Ps, maikkat

MAGSINGAL, Ilocos Sur – Sumagmamano a resipiente ti 4Ps ditoy nga ili a naireklamo gapu iti saan a nasayaat a panangaramatda iti daytoy a benepisio nga ipapaay ti gobierno ti maikkat iti listaan ken masuktan.

Daytoy ti ad-adalen ita ti DSWD kalpasan a limtuad ti alegasion a sumagmamano a resipiente ti 4Ps ti makisugsugal, saan a mangibabaon kadagiti annakda iti pagadalan, ken saan a regular ti panagpatsek-apda ken dagiti annakda iti baet a dagitoy dagiti kondision tapno mabenepisiaranda iti daytoy a programa ti gobierno.

Adda pay reklamo a sumagmamano kadagiti agaw-awat iti pension ti adda kabaelanda iti biag ken adda mangsupsuporta kadakuada iti ballasiw-taaw

Kanaig daytoy, maysa a miembro ti grievance committee ti nangipalgak a berberipikaranda ti compliance dagiti naireklamo a 4Ps beneficiaries ket no mapudasdasan a dida nagtungpal, maikkatda iti listaan ken masuktanda iti sabali a benepisario.

Agdagupen iti 1,489 dagiti nakaenrol iti 4Ps ditoy nga ili.