Naisadsad a bangkay, nabigbig

CAOAYAN, Ilocos Sur – Nabigbigen ti bangkay a naisadsad iti igid ti baybay ti Barangay Poro ditoy nga ili babaen ti kabsatna a nangsapsapul kenkuana manipud naiyanud iti karayan bayat ti panangduprak ni Bagyo Pepeng iti probinsia.

Nainaganan ti biktima a ni Saturnino Beldio Jr. y Alumen, 39, minero, naasawaan, residente iti Mabalite, Tantantian, Mountain Province.

Segun iti kabsat ti biktima, maammuanda ti kaadda ti naisadsad a bangkay iti Ilocos Sur a pumadpad iti description ti kabsatda babaen ti tulong ti PNP Mountain Province.

Naiyanud ti biktima idi bumallasiw iti karayan idi Oktubre 9.#