Naisalda a motorsiklo, mapapati a natakaw

MAGSINGAL, Ilocos Sur – Nangsalda iti asawa ti maysa nga empleada iti gobierno iti motorsiklo ket ita, agsakit ti ulo ti babai ta mapapati a natakaw daytoy.

Nagreport iti polis ni Amelyn Taasin ParaƱaque, 37, naasawaan, ken residente iti Barangay Panay Norte, Magsingal, Ilocos Sur, a bayat ti panangdalusna iti Yamaha MIO Sporty motorcycle a sinaldaan ni lakayna, naduktalanna a nabura ti chassis number ken motor engine number daytoy.

Segun ken ni Taasin, insalda ti maysa a Leonardo Ugale, kalugaranda met laeng, ti nasao a motorsiklo.

Naipan ti motorsiklo iti police station ditoy para iti umisu a disposision.#