Naitaray a motorsiklo, narekobre

SINAIT, Ilocos Sur – Narekobre dagiti polis ti traysikel a naitaray iti sanguanan ti maysa nga ospital ditoy iti bigat ti Enero 11.

Narekobre dagiti polis ti nangisit a motorsiklo a Kawasaki 100 cc ken ti skeleton a sidecar daytoy a kukua ni Ricardo Duran y Palado, 57, naasawaan, ken residente iti Brgy. Pug-os, Sinait, Ilocos Sur nga ar-aramaten ni Glen Ilar y Mangrubang, baro, ken  residente iti Brgy. Pug-os, Sinait, Ilocos Sur.

Nabigbig metten dagiti kadua ni Ilar a nangitaray iti lugan a da Valeen Ilar y Mangrubang, 27, naasawaan; Dariel Lacuesta y Melendrez, 24, baro; ken Gerald Vitacion y Raras, 25, baro; agindeg amin iti Brgy. Teppeng, Sinait, Ilocos Sur.

Segun ken ni Duran, imparkingna ti traysikelna iti sanguanan ti Sinait District Hospital ditoy nga ili idi agarup 1:00 ti bigat ti Enero 11 ngem idi sublienna, awanen daytoy.#