Nakaarmas a baro, tiniliw dagiti polis

VIGAN CITY – Tiniliw dagiti polis ditoy ti maysa nga armado a baro a nakiriri iti grupo dagiti residente ti Barangay Rugsuanan ditoy nga ili idi rabii ti Oktubre 2.

NagturongĀ  dagiti polis nga indauluan ni PSI Nestor Ponce Caballes iti nadakamat a barangay ket inarestoda ni Patrick Carlo Fortuna y Florendo, 25, baro, pharmacy assistant ken residente iti Barangay Raois, ditoy met laeng siudad.

Segun iti inisial nga inbestigasion dagiti polis, aggawiden ni Fortuna a nakalugan iti motorsiklona idi mapapati a sinaed ti grupo dagiti di nainaganan a lallakiĀ  ket pinabasolda daytoy a nakadungpar iti maysa a gayyemda.

Naggawid ni Fortuna ket mapapati a sinublianna dagiti kinaririna nga adda kuyogna a paltog.

Naikustodia iti police station ni Fortuna para iti umisu a disposision.#